Romance is my favorite gener. મિત્રો હું કોઈ લેખક નથી અલબત્ત એન્જીનીયર છું. લખવાનો શોખ છે. મારી વધુ વાર્તાઓ પ્રતિલિપિ પર મળશે

ગાલગા ગાલગા ગાગા ગાગા

આંખ પણ એકધારી જાગે છે,
સ્વપ્ન કાજે બિચારી જાગે છે.

ભીંત ને તો ફરક ક્યાં  છે કોઈ!
વાટ જોવા જો બારી જાગે છે.

આંસુઓ ને   વહાવી   થાકેલી,
આંખ  નીચે  અટારી  જાગે છે.

રાત જાણે વિજોગણ કામિની,
એકલી  એ   નઠારી  જાગે  છે.

પાંપણો પર વજન છે શામાટે?
નીંદ  પણ એ વિચારી જાગે છે.

હું ઉલેચું છું મદિરાલય  આજે,
રાહમાં  ઘેર  પ્યારી  જાગે  છે.

પિયુની વાટે નિરખવા  માટે જ,
ઘૂંમટા ની  કિનારી   જાગે   છે.

ભાવેશ પરમાર "આર્યમ્"
(તરહી)

Read More

ગઝલ- નથી કરવી..!

હવે આ પ્રેમના સોદામાં સહિયારી નથી કરવી,
અમૂલી રાતને વ્હેંચીને નાદારી નથી કરવી.

નહીં ફાવે અમોને તો નફા નુકશાન ધંધામાં,
માટે દિલનાં બજારે કોઇ વ્યાપારી નથી કરવી.

મેં જોયા છે ઘણા મજનું અને રાંઝા ને ખોવાતાં,
અમારે પણ આ રાહો એમ અંધારી નથી કરવી.

ઉપજશે પણ નહીં મારું અમસ્તું બોલવાથી તો,
વજન હો તો જ કરશું,વાત નોંધારી નથી કરવી.

બકે મન તો ભલે બકતું રહે એ કાયમી અમથું,
બધી વાતે કહી ને "હા!" સમજદારી નથી કરવી.

ભલે પટકાઇ પડતો આસમાનેથી ધરા માથે,
કલંકિત પાત્ર ને કરતી કલાકારી નથી કરવી.

ઘટે છે કંઇક તો અજવાળવા તારાં ઘરે "આર્યમ્"
છતાં પણ જાતને બાળીને અગિયારી નથી કરવી.

ભાવેશ પરમાર "આર્યમ્"
તરહી - 16/02/2020

Read More

મન તું બોલમાં, ગઝલ (ગાલગા 4)

ફળ જે પાક્યાં નથી એને તું તોડમાં,
અંતરે  રાખ  શબ્દો   તું  વાગોળમાં.

કિંમતી  શબ્દ તું  સાચવી  લે  જરા,
વેંચશે   એને    સંસાર   ભાગોળમાં.

જીભ  તારી  છુપાવી  દે  તું  દાંતમાં,
ચૂપ  રે  બોલમાં મન, તું મોં ખોલમાં.

નાથવા  કોઈ   ક્રિષ્ના  તને   આવશે,
કાલિયા  નાગની  જેમ   તું   ડોલમાં.

વાતને  સાંભળે   એવું   કોઈ    નથી,
એકલી   દીવાલો   સંગ  તું  બોલમાં.

"આર્યમ્"

Read More

ફ્રેન્ડ રિકવેસ્ટ

પક્ષીઓ પણ માળામાં ક્યાંક ટૂંટિયું વાળીને સૂતાં હોય એવી શિયળાની એ વહેલી ઠંડી સવાર સવારમાં આંખો ચોળતો હું ઉભો થયો, ઉપરથી બગાસાં કહે મારું કામ, પણ શું થાય નોકરી પર તો જવું જ પડે! માટે જેમતેમ કરી ઉઠ્યો અને ફ્રેશ થવા માટે મુહૂર્ત જોવા મોબાઈલ હાથમાં લીધો, બરાબર એ જ સમયે ફેસબૂકની નોટિફિકેશન ટોન વાગી આમતો આખો દિવસ એની ટીનટીન ચાલુ જ હોય પણ આ સવાર સવારમાં કોણ છે એ જોઈ લેવા મેં ક્લિક કર્યું.
ઓહ આ તો દિપાલી, મારી સહકર્મી!!
જેને જોઈને મારી ધડકનનો ગ્રાફ ઉપરનીચે થયા કરતો હોય છે, પણ એ કોઈને ભાવ જ નથી આપતી તો મને તો ક્યાંથી આપે ભલે ને મારું નામ ભાવેશ હોય!!?
મેં તો હરખપદુડો થઈ ફટાફટ રિકવેસ્ટ એક્સેપ્ટ કરી લીધી અને હાઈ, હેલો, હાવ આર યું! જેવા ત્રણ ચાર મેસેજ મોકલી જ દીધા.
બાથરૂમ ના કામ પતાવી ડાઇનિંગ ટેબલ પર ગોઠવાયો અને મારી ટેવ મુજબ એક હાથમાં મોબાઈલ અને એક હાથમાં કોળિયો લઈ નાસ્તાને અંજામ આપી રહ્યો હતો અને ફરી એક નોટિફિકેશન આવ્યું! હા ફેસબુક નું જ હતું મેં જલ્દી જલ્દી જોવા માટે ફેસબૂક ખોલ્યું અને જોયું તો એ દિપાલી નો જ મેસેજ હતો, એણે મને અત્યારે જ મળવા માટે તળાવની પાળે બોલાવ્યો હતો, મારા મનમાં તો એ આર રહેમાનના સંગીતમાં પ્રેમ ગીતો વાગવા લાગ્યાં અને મારી આજુબાજુમાં યશરાજ ની ફિલ્મો જેવા પીળાં કુદરતી દ્રશ્યો દેખાવા લાગ્યાં.
મેં તો નોકરી પર જવાનું કેન્સલ કરી નવાં નવાં કપડાં પહેર્યાં, બાઇક ચમકાવ્યું અને ભાગ્યો તળાવ બાજુ.
સવાર સવારમાં ઘણાં લોકો તળાવ ફરતે વોકિંગ અને જોગિંગ કરી રહ્યા હતા અને મારા મગજમાં અને રુધિરવાહીનીઓમાં જબ્બરજસ્ત સ્પીડમાં વોકિંગ ચાલી રહ્યું હતું અને મારી નજરો આમતેમ તેને શોધવા ફરી રહી હતી.
પંદર મિનિટ, ત્રીસ મિનિટ એમ ગણતાં ગણતાં બે કલાક નીકળી ગઈ પછી કંટાળી મેં એને ફોન કરવાનું વિચાર્યું, મેં શરમાતા શરમાતા ફોન લગાવ્યો અને પેલી એ ઉપાડ્યો પણ, મેં કહ્યું "યાર હું અહી ક્યારથી તારી રાહ જોઉં છું, કેમ ન આવી?!"
જવાબ મળ્યો એ સાંભળી મારી તેજ દોડી રહેલી ધડકનો સ્થિર થઈ ગઈ, "કોણ રાહ? કોની રાહ?, હું ક્યાં આવવાની હતી! હું તો ઓફિસમાં છું, તારું મગજ તો ઠેકાણે છે!!"
અને એ સાથે વાગી રહેલ પ્રેમગીત મરસિયામાં ફેરવાઈ ગયાં અને પીળાં ફુલોનું સ્થાન બાવળના કાંટાઓએ લીધું.
વીલા મોંએ હું ઓફિસે ગયો અને મોડું આવવા માટે કોઈપણ બહાનું કરી બોસની ગાળો સાંભળી મારા ટેબલ પર ગોઠવાયો.
"કેમ ભાઈ મળી આવ્યો એને?!" મારા મિત્રના એ અવાજે મારા દિલના ટુકડા ટુકડા કરી નાખ્યા.

પછી મને ખબર પડી કે દિપાલી ના નામનું ફેક એકાઉન્ટ બનાવી મારી સાથે મજાક કરવામાં આવી હતી.

*****

Read More

ફ્રેન્ડ રિકવેસ્ટ..!


પક્ષીઓ પણ માળામાં ક્યાંક ટૂંટિયું વાળીને સૂતાં હોય એવી શિયળાની એ વહેલી ઠંડી સવાર સવારમાં આંખો ચોળતો હું ઉભો થયો, ઉપરથી બગાસાં કહે મારું કામ, પણ શું થાય નોકરી પર તો જવું જ પડે! માટે જેમતેમ કરી ઉઠ્યો અને ફ્રેશ થવા માટે મુહૂર્ત જોવા મોબાઈલ હાથમાં લીધો, બરાબર એ જ સમયે ફેસબૂકની નોટિફિકેશન ટોન વાગી આમતો આખો દિવસ એની ટીનટીન ચાલુ જ હોય પણ આ સવાર સવારમાં કોણ છે એ જોઈ લેવા મેં ક્લિક કર્યું.
ઓહ આ તો દિપાલી, મારી સહકર્મી!!
જેને જોઈને મારી ધડકનનો ગ્રાફ ઉપરનીચે થયા કરતો હોય છે, પણ એ કોઈને ભાવ જ નથી આપતી તો મને તો ક્યાંથી આપે ભલે ને મારું નામ ભાવેશ હોય!!?
મેં તો હરખપદુડો થઈ ફટાફટ રિકવેસ્ટ એક્સેપ્ટ કરી લીધી અને હાઈ, હેલો, હાવ આર યું! જેવા ત્રણ ચાર મેસેજ મોકલી જ દીધા.
બાથરૂમ ના કામ પતાવી ડાઇનિંગ ટેબલ પર ગોઠવાયો અને મારી ટેવ મુજબ એક હાથમાં મોબાઈલ અને એક હાથમાં કોળિયો લઈ નાસ્તાને અંજામ આપી રહ્યો હતો અને ફરી એક નોટિફિકેશન આવ્યું! હા ફેસબુક નું જ હતું મેં જલ્દી જલ્દી જોવા માટે ફેસબૂક ખોલ્યું અને જોયું તો એ દિપાલી નો જ મેસેજ હતો, એણે મને અત્યારે જ મળવા માટે તળાવની પાળે બોલાવ્યો હતો, મારા મનમાં તો એ આર રહેમાનના સંગીતમાં પ્રેમ ગીતો વાગવા લાગ્યાં અને મારી આજુબાજુમાં યશરાજ ની ફિલ્મો જેવા પીળાં કુદરતી દ્રશ્યો દેખાવા લાગ્યાં.
મેં તો નોકરી પર જવાનું કેન્સલ કરી નવાં નવાં કપડાં પહેર્યાં, બાઇક ચમકાવ્યું અને ભાગ્યો તળાવ બાજુ.
સવાર સવારમાં ઘણાં લોકો તળાવ ફરતે વોકિંગ અને જોગિંગ કરી રહ્યા હતા અને મારા મગજમાં અને રુધિરવાહીનીઓમાં જબ્બરજસ્ત સ્પીડમાં વોકિંગ ચાલી રહ્યું હતું અને મારી નજરો આમતેમ તેને શોધવા ફરી રહી હતી.
પંદર મિનિટ, ત્રીસ મિનિટ એમ ગણતાં ગણતાં બે કલાક નીકળી ગઈ પછી કંટાળી મેં એને ફોન કરવાનું વિચાર્યું, મેં શરમાતા શરમાતા ફોન લગાવ્યો અને પેલી એ ઉપાડ્યો પણ, મેં કહ્યું "યાર હું અહી ક્યારથી તારી રાહ જોઉં છું, કેમ ન આવી?!"
જવાબ મળ્યો એ સાંભળી મારી તેજ દોડી રહેલી ધડકનો સ્થિર થઈ ગઈ, "કોણ રાહ? કોની રાહ?, હું ક્યાં આવવાની હતી! હું તો ઓફિસમાં છું, તારું મગજ તો ઠેકાણે છે!!"
અને એ સાથે વાગી રહેલ પ્રેમગીત મરસિયામાં ફેરવાઈ ગયાં અને પીળાં ફુલોનું સ્થાન બાવળના કાંટાઓએ લીધું.
વીલા મોંએ હું ઓફિસે ગયો અને મોડું આવવા માટે કોઈપણ બહાનું કરી બોસની ગાળો સાંભળી મારા ટેબલ પર ગોઠવાયો.
"કેમ ભાઈ મળી આવ્યો એને?!" મારા મિત્રના એ અવાજે મારા દિલના ટુકડા ટુકડા કરી નાખ્યા.

પછી મને ખબર પડી કે દિપાલી ના નામનું ફેક એકાઉન્ટ બનાવી મારી સાથે મજાક કરવામાં આવી હતી.

*****

Read More

जिंदगी के रंग रूप

ए जिंदगी तेरे हर रंग रूप देखते रहे
कभी छाँव तो कभी धूप देखते रहे

रुलाया उम्रभर तूने दिखाके ख्वाब,
छुपाये आँसू को, होके चुप देखते रहे

हारकर दूसरों की खुशी के लिए हम,
हँसते हुवे सबको गूप-चुप देखते रहे

जिस तारोंमें हमारी लिखि थी किस्मत
वह सितारे भी हमसे छुप, देखते रहे

खुल गए पत्ते तेरी किताब के तब भी
हम तो तेरे ही दिए प्रारूप देखते रहे

"आर्यम्"

Read More

રહી જાય છે આપની યાદ તમારા ગયા પછી,
શું સંભળાય છે મારો સાદ તમારા ગયા પછી?
ભણકારા નથી એ રવ જે તમને સંભળાય છે,
આ દિલ કરે છે અંતરનાદ તમારા ગયા પછી.

ભાવેશ પરમાર. "આર્યમ્"

Read More

આંખ જ્યારે મારી ને તમારી મળી ગયેલી,
શરમની મારી ત્યારે એ નીચે ઢળી ગયેલી.
અમારા ઈશારા ભલે ન સમજાયા તમને,
પ્રતીતિ પ્રેમની તો પ્રથમ દ્રષ્ટિ જ કળી ગયેલી.



ભાવેશ પરમાર.  "આર્યમ્"

Read More

યુગોથી રહી જેની તલાશ, કાશ! એવું કોઈ મળી જાય;
હવે બાકી ન રહે કોઈ આશ, કાશ!એવું કોઈ મળી જાય.

વર્ષા બની લાગણીઓની જે ભીંજવે મારાં મનનું ખેતર;
અંતર સુધીની આપે ભીનાશ, કાશ!એવું કોઈ મળી જાય.

પ્રેમનો ઠંડો વાયરો ફૂંકી જે શીતળતા વરસાવે અનોખી;
ધૂળ બને આ દુઃખોની લાશ, કાશ!એવું કોઈ મળી જાય.

એમના કોમળ હાથમાં રહે મારા પ્રેમ તણી રેશમી રાંશ;
દિલની વાડીમાં પાડે ચાશ, કાશ!એવું કોઈ મળી જાય.

રોજ સાંજે એમનો સાથ અને હાથમાં હાથ હોય મારા;
અને થાય મારા દિલને હાશ! કાશ!એવું કોઈ મળી જાય.

"આર્યમ્"

Read More

જોઈને સામે અમને એ કેવાં તો હરખાય છે.!
ફર્યાં બીજી જ બાજુ અને મંદમંદ મલકાય છે.

આંખો એની વરસી ગઈ મને સામે જોયો ત્યાં,
પ્રેમ એના દિલમાં કદાચ આજેય પરખાય છે.!

મળ્યાં ઘણાં સમયે ભલે દૂર કદી હતાં જ નહીં,
જોઈ સાથે અમને મારા દુશ્મન વળ ખાય છે.!

હતા થોડા દોસ્ત અને દુશ્મન પણ ઘણા હતા.!
તોયે ઝંડો પ્રેમનો આજ આસમાને ફરકાય છે.

ભલે મળ્યાં પણ મળ્યાં નહીં આ જન્મ માં પણ,
આજે મારો પ્રેમ લૈલા મજનું સાથે સરખાય છે.


"આર્યમ્"

Read More