પ્લાસ્ટિકની બોટલ, ગ્લાસ, ચમચી, ડબ્બાઓ, કોથળીઓ... એક વાર વાપરો અને ફેંકી દો! ઘરેથી હાથમાં થેલી લઈને જવાની ઝંઝટ કોણ કરે!

તમને ખબર છે આપણે ફેંકી દીધેલી પ્લાસ્ટિકની વસ્તુઓ આપણને કઈ કઈ જગ્યાએથી પાછી મળે છે... અવશેષ રૂપે? એવા કેટલાં પક્ષીઓ છે, પ્રાણીઓ છે જે તમારા પપ્પાએ, દાદાએ જોયેલા પણ તમને આજ જોવા નથી મળતાં, એવા કેટલાં પ્રાણીઓ, પક્ષીઓ છે જે આજે તમે જોઈ શકો છો પણ તમારી આવનારી પેઢી એ નહીં જોઈ શકે..!

પહેલાં ઘરે પ્રસંગ હોય તો આપણે ઘરમાંથી જ કપ રકાબીમાં ચા/કોફી આપતાં, સ્ટીલના ગ્લાસમાં પાણી અપાતું જેને ધોઈને ફરીથી વપરાશમાં લેવાતું... પરિણામે પ્રસંગ પૂરો થયે એ ઘરની બહાર પ્લાસ્ટિકના કપ/ગ્લાસ/પ્લેટ્સથી ઊભરાઈ રહેલી ડસ્ટબીન જોવા નહતી મળતી!

ઘણા કહેશે એ અમને ચોખ્ખું નથી લાગતું.. કોઈ એક માણસે વાપરેલું ગ્લાસ અમે ફરી બીજા કોઈ માણસને કેવી રીતે આપી શકીએ? It's totally unhygienic!

એવા ચોખ્ખાં માણસો માટે મને ખરેખર માન છે પણ મારું અળવીતરું મન કહે ચોખ્ખાઈ ખાલી તમારાં ઘર પૂરતી જ મર્યાદિત કેમ? આ સમગ્ર પૃથ્વી તમારી છે અને એને પણ ચોખ્ખી રાખીએ એવો વિચાર એમને ના આવી શકે? જો વિચાર આવે તો એનો ઉકેલ પણ મળે ?

તમે માટીની કુલડીમાં ચા/ પાણી આપી શકો! એક વાર વપરાયા પછી એ કોઈને આપી દો કે ફેંકી દો એ માટીમાં ભળી જશે અને ગંદકી નહિ ફેલાવે...☺️ નાસ્તો આપવા માટે પણ પતરાળાં વાપરી શકો... અને તમારાં મહેમાનો આગળ બે ચાર વાર બોલાયેલ તમારું વાક્ય,
“I love nature!" ખરેખર સામેવાળાને તમારાં પર ઈર્ષા કરાવી જશે... જે પેલા પ્લાસ્ટિકના કપ ક્યારેય નહિ કરાવી શકે!

ટુંકમાં નીચે આપેલ વિડિયો જુઓ અને વિચારો આટલાં સુંદર પક્ષીઓના મોતનું કારણ જાણે અજાણે તમે તો નથી?
આપ સૌને નિયતીના જય શ્રીકૃષ્ણ ?