લિંક કૉમેન્ટ બોક્સમાં મળશે.


સાંજ પડી ગઈ છે.એક પણ રિક્ષાવાળો કે બીજું કોઈ વાહન સીટી બાજુ જઈ રહ્યું નથી.ધીમે-ધીમે ઝાલરનો ટાઈમ થઇ રહ્યો છે.વાદળાઓ અવરજવર આમથી તેમ શરૂ છે.ભરચક સિટીમાં ક્યાંક- ક્યાંક રહેતા પક્ષીઓ પોતાના માળા બાજુ આવી રહ્યા.બાજુમાં જ જંગલ છે.કોને સિટીમાં રહેવુ ગમે???તેમ છતાંય માણસોની જેમ કોઈ શોખીન પક્ષીઓ સિટીમાં રહે છે.

"શ્વાસ તો દરેક માણસ લે છેને જીવે છે;
પરંતુ માણસને પોતાનો શોખ જ જીવંત રાખે છે"
-vandemataram


સીટીથી બહાર નીકળતા બે કિલોમીટર જેટલો જંગલનો રસ્તો આવે છે પછી શોપિંગ સેન્ટર,શોપ,મોલ તેમજ લગભગ તમામ વસ્તુઓનું બજાર સીટીની બહાર છે.

આરોહી અને તેની ફ્રેન્ડ હેમાં ઉભા છે.બંનેના મનમાં પોતપોતાની રીતે વિચારો ચાલી રહ્યા છે.

આરોહી વિચારી રહી હે ઈશ્વર!! જલ્દી કોઈ વાહન મળી જાય તો સારું.અંધારું થઈ જશે તો ઘરે જતાની સાથે જ ઘણું બધું સાંભળવું પડશે.આ સાંભળવાની પૂરી તૈયારી પૂરી પ્રેક્ટિસ અહીં ઊભા-ઊભા જ કરી લેવી પડશે.એક પણ શબ્દ મમ્મીની સામે બોલાશે નહીં.આમ તો ફાટી ફરતી(જેમ ગમે તેમ કરનાર)આરોહી મમ્મીથી ડરે પણ ખરી.

બંને ફ્રેન્ડ જીન્સ અને ટોપ પહેરેલા છે.બંને ખુબ સુંદર લાગી રહી.બંનેના ખુલ્લા વાળ,પવનના કારણે હવામાં લહેરાઈ રહ્યા.સુંદર અને નમણી છોકરીઓના ચહેરા પરના હાવભાવ જોતા ખબર પડી જાય છે કે તેને વાહન મળતું નથી,બંને અંદરથી મુંજાયેલી છે.

ડરની સાથે,
વહેમ પણ પડે,
જો સાંજ પડે.

એટલી જ વારમાં ત્યા એક કેબ આવીને ઊભી રહી. કંઈ પણ વિચાર્યા વગર આરોહી દોડીને ડ્રાઇવર આગળ પહોંચીને બોલી તમારે સિટીમાં જોવું છે?એ એક મોટી ઉમ્મીદથી બોલી ગઈ.ડ્રાઈવરે નકારમાં માથું હલાવતા કહ્યું સોરી મેમ! આ કેબ બૂક કરાવેલી છે એટલે હું અહીં આવ્યો છું.

હેમાં આજીજીના સ્વરમાં બોલી પ્લીઝ અમારે હેલ્પની જરૂર છે. અમે ગમે તેમ બેસી જઈશું. પરંતુ અમને સીટી સુધી લેતા જાવ. પછી અમે અમારી રીતે અમારી વ્યવસ્થા કરી દઈશું.જે બાબત સાથે ડ્રાઇવરને લેવાદેવા નથી એ પણ હેમા બોલી ગઈ. પરંતુ પ્લીઝ મહેરબાની કરીને અમને સિટી સુધી પહોંચાડીદો.

આમ તો ઘણી બધી રીક્ષા, સીટી બસ, ઇકો વાળા જતા હોય છે પરંતુ સાંજનો સમય છે અને મેરેજની સીઝન ચાલે છે.પણ...પણ.. આજે વાહનો વાળા હડતાલ પર છે. એટલે સીટીમાં જવું થોડું ઓકવર્ડ થઈ ગયું. ક્યારેક તો રસ્તો સૂમસામ થઈ જાય છે.બસ આવી જ ઘડી આવી પહોંચી.