દરેક આપણું દેખાતું જણ આપણું નથી હોતું,
જાતનો ઢાંક પિંછોડો કરી ફરતું વરણ આપણું નથી હોતું.
​ચહેરો મીઠો, બોલ મીઠાં, પણ અંદર ઝેર ભરેલું,
જેની નીયતમાં ખોટ હોય, એ દર્પણ આપણું નથી હોતું.
​સમય આવે ત્યારે જ ઓળખાય કોણ પોતાનું ,
મુશ્કેલીમાં સાથ ન આપે, એ સ્વજન આપણું નથી હોતું.
​જેને સમજ્યું પોતાનું, તે જ ઘા દઈ જાય છે દિલ પર,
જૂઠના પાયા પર બનેલું કોઈ બંધન આપણું નથી હોતું.
​દેખાવની દુનિયામાં વિશ્વાસ કરવો મુશ્કેલ છે 'નિમિષા',
અંતે તો દરેક સાચું લાગતું કારણ આપણું નથી હોતું.