રોજ‌ રોજ હળવું સ્મિત લઈને આવે છે,
આંખોના રુદનથી મને છેતરવા આવે છે,

રસ્તા પર ઝાંઝરનો મધુર અવાજ આવે છે,
નાજુક ચાલથી મને‌ ભરમાવવા આવે છે,

ઊડતી ઝુલ્ફોને માથાં પર સવારતી આવે છે,
હાથોની અદાકારીથી મને ફસાવવા આવે છે,

વસ્ત્રો પર છાટેલા અતર‌ની મહેક આવે છે,
મનની ફોરમથી મને મોહીત કરવા આવે છે,

દુરથી જ જોતાં હૃદયને ઝબકારો આવે છે,
ઓઢણી ઓઢી મારુ દલડું ચોરવા આવે છે.

મનોજ નાવડીયા
સુંદર સ્વર : શ્રી નિપાલીબેન ઝાલા