અમારા ઘરે હિંચકા પર એક મસ્ત વિન્ડ ચાઈમ લગાવેલું એટલે પવનની લહેરખી આવે ને મસ્ત કર્ણપ્રિય અવાજ કાન પર અથડાય. પણ મારી બેન હેન્સીને એક આદત કે એ હિંચકા પર બેઠી હોય ને વિન્ડ ચાઈમ્સ પોતાનો અવાજ ન સંભળાવે તો એ જાતે જ ઊંચી થઈને હાથ થી વિન્ડ ચાઈમ ને હલાવે પણ એનો અવાજ સાંભળીને જ રહે. 😄 આમ, તો આ વાત ખૂબ સામાન્ય લાગે. પણ ઘણી વખત સામાન્ય બાબતો અસામાન્ય શીખ આપી જતી હોય છે. જિંદગીમાં ઘણી વખત આપણે મધુર અવાજ રૂપી ખુશીઓ મેળવવા માટે વિન્ડ ચાઈમરૂપી પ્રયત્નો કરીને પરિણામ સમય પર છોડી દેતા હોઈએ છીએ. પણ ઘણી વખત પવનરૂપી સમયની પ્રતિકૂળતાના કારણે ખુશી મળતી નથી ત્યારે આપણે નિરાશ થઈ જતા હોઈએ છીએ. અને એ ભૂલી જતા હોઈએ છીએ કે, આપણે આટલા પ્રયત્નો તો કર્યા તો ઔર એક સહી. શું ખબર એ ખુશીઓ તમારા હાથવેંતમાં જ હોય, જરૂર હોય માત્ર તમારા હાથને લંબાવવાની....so stay positive. stay happy😊....જાગૃતિ તન્ના "જાનકી"