Wanted Love ..... The Search for True Love. Part-2 ... - Part-1 in Gujarati Novel Episodes by Rinku shah books and stories PDF | વોન્ટેડ લવ.....સાચા લવની શોધ. પાર્ટ-૨... - ભાગ-1

વોન્ટેડ લવ.....સાચા લવની શોધ. પાર્ટ-૨... - ભાગ-1

વોન્ટેડ લવ.....સાચા લવની શોધ. પાર્ટ-૨

searching true love..

ભાગ-૧


પ્રસ્તાવના

નમસ્તે વાચકમિત્રો,
આપ સૌનો ખુબ ખુબ આભાર મારી વાર્તાઓને પસંદ કરવા માટે.વોન્ટેડ લવ..લવની શોધમાં વાંચકોને ખુબ જ પસંદ આવી હતી.તો આજે એ જ વાર્તાનો બીજો પાર્ટ લઇને આવી છું.આ વાર્તા આમ તો નવા પ્લોટ સાથે રહેશે પણ પાત્રો એ જ રહેશે.વાર્તા જ્યાંથી વોન્ટેડ લવ...લવની શોધમાં પુરી થઇ હતી ત્યાંથી જ શરૂ થશે.આવો પાત્રો વિશે ટુંકમાં આપને માહીતી આપું.

કિનારા..વિશાલ મોતીવાલાનીદિકરી અને કુશ શેખાવતની પત્ની.
કુશ શ્રીરામ શેખાવત અને જાનકી દેવીનો નાનો પુત્ર.એ.ટી.એસનો ઓફિસર.
કાયના-કુશ અને કિનારાની દિકરી
કિઆન-કુશ અને કિનારાનો દિકરો.
શ્રીરામ શેખાવત અને જાનકીદેવીના અન્ય જોડિયા પુત્રો.
લવ મલ્હોત્રા મુંબઇમાં પોલીસ ઓફિસર અને કિનારાનો દોસ્ત.જે એક સમયે કિનારાના પ્રેમમાં હતો.તેની પત્ની શીવાની એટલેકે કિનારાની બાળપણની દોસ્ત અને જર્નાલિસ્ટ
અને લવ શેખાવત શ્રીરામ શેખાવતની સાથે જે વર્ષો રોમિયોની કેદમાં હતા.તેની પત્ની શીના એક સમયની રોકીની ગર્લફ્રેન્ડ અને કિનારાની દોસ્ત.
રોકી ઉર્ફે રાકેશ પટેલ તેની પત્ની નેહા પટેલ .રાજીવ પટેલ રોકીના પિતા અને કિનારાના પિતાના મિત્ર.
રોમિયો કુખ્યાત આતંકવાદી અને અદા તેની પત્ની

આ વાર્તાની નાયિકા કાયના એટલે કે કુશ અને કિનારાની દિકરી...
આ વાર્તાછે કાયનાના જીવનની,તેના સંઘર્ષની,તેનો સાચો પ્રેમ મેળવવાનો સંઘર્ષ,પોતાના સપનાઓને જીવવાનો અને તેને પામવાનો સંઘર્ષ.તેના પણ જીવનમાં કઇંક ખુટતું છે એટલે કે વોન્ટેડ.....શું વોન્ટેડ છે તેના જીવનમાં.

આ વાર્તા છે એક માઁ દિકરીના સંબંધોની.

શું તેનો સાચો પ્રેમ તેને મળી શકશે?તેનો પ્રેમ......તેની આસપાસ હોવા છતાં તેને શેનો ડર છે?તેનો પ્રેમ તેના જીવનમાં ખુટતાં સંબંધ ફરીથી શોધીને લાવી શકશે?

તો ચાલો જોડાઇએ કાયના અને તેના પ્રેમના આ રોમાંચક સફરમાં.શોધીએ તેમનો વોન્ટેડ લવ....કરીએ તેમના સાચા લવની શોધ ખતમ..
આગળની મારી વાર્તાની જેમ આ પણ એક કાલ્પનિક વાર્તા છે.જેનો કોઇ વ્યક્તિ,સ્થળ કે ઘટના સાથે સંબંધ નથી અને આ મારી સ્વરચિત રચના છે.આ વાર્તાના કોપીરાઇટ મારા રહેશે.કોઇએ આ વાર્તાનો દુરુપયોગ ના કરવો.
હા આ વાર્તાની વધુ મજા લેવા માટે આ વાર્તાનો પહેલો ભાગ વોન્ટેડ લવ ...લવની શોધમાંનો પાર્ટ વન જરૂર વાંચી લેજો.

વોન્ટેડ લવ...સાચા લવની શોધ.

searcging true love

ભાગ- 1

અઢાર વર્ષ પછી....
જાનકીવીલામાં જાનકીદેવીના નિયમો પ્રમાણે જ બધું ચાલતું હતું.રોજ સવારે સાત વાગ્યે નાહીને તૈયાર થઇને બધાએ પુજા માટે મંદિરમાં આવી જ જવાનું.

જાનકીવીલા કિનારાએ ખોલેલા આશ્રમ આરોહી મમતા કેન્દ્રની બાજુમાં જ અાવેલો એક આલીશાન બંગલો.જે શ્રીરામ શેખાવત અને જાનકીદેવીએ ખુબ જ પ્રેમથી બનાડાવ્યો હતો.તેમના પરિવારના સુખદ મિલન બાદ એકસાથે પુરો પરિવાર રહી શકે તે માટે.કુશ,કિનારા,લવ મલ્હોત્રા અને શિવાની તથાં લવ શેખાવત અને તેની પત્ની શીના. શરૂઆત ખરેખર સુખદ જ હતી તેમના પરિવારના આ મિલનની ત્રણ ભાઇઓના લગ્ન જાણે કે ત્રણ સગી બહેનો સાથે થયેલા હોય તમે લાગે.દેરાણી જેઠાણી જેવું કશુંજ નહતું.

કહેવાય છેને કે સારા સમયને નજર લાગતા વાર નથી લાગતી.જાનકીદેવીના સુખી પરિવારને પણ કદાચ તેમની જ નજર લાગી ગઇ.લવ શેખાવત અને શીના માંડવીની તેમની હવેલીમાં રહેતા હતા બધાથી અલગ.એક અગમ્ય કારણે લવ શેખાવતને આ નિર્ણય લેવા મજબુર કર્યો હતો.લવ શેખાવતના કિસ્મતમાં જ જાણે માઁબાપની સાથે રહેવું નહતું લખ્યું.

અહીં જાનકીવીલામાં એકસાથે રહેતા લોકોની અંદર એકબીજા માટે દ્રેષ,નારાજગી અને ગુસ્સો હતો.પતિ પત્નીનાં સંબંધોમાં ઇર્ષા અને શંકા હતી.

શીવાની ગુલાબી બાંધણીની સાડીમાં હાથમાં ફુલોની થાળી સાથે બગીચામાંથી મંદિરમાં આવી.આ વાતથી અજાણ જાનકીદેવીએ શીવાનીના નામની બુમ પાડી,

"શીવાનીવહુ,ફુલો લાવ્યા કે નહીં બગીચામાંથી."

શીવાની થાળી મુકીને જાનકીદેવીને ગળે લાગી અને બોલી,
"મમ્મી,હું તો આવી પણ ગઇ."
"ઓહ મારી વહાલી દિકરી આવી પણ ગઇ." જાનકીદેવી તેના કપાળે ચુમતા બોલ્યા.
"ચલ ફટાફટ હાર બનાવી લઇએ."

શીવાની અને જાનકીદેવી હાર બનાવવામાં લાગી ગયાં.
"આજે ખાસ પુજા છે.પ્રસાદ બન્યો કે નહીં.સોજીનો શીરો બનાવવામાં કેટલી વાર લાગે અને પંચામૃત બસ બે જ તો વસ્તુ તૈયાર કરવાની હોય."જાનકીદેવી આ રસોડા સામે જોઇને બોલ્યા.

રસોડામાંથી ટ્રે પકડીને તે બહાર આવી.....લાલ કલરનો પંજાબી ડ્રેસ,ખુલ્લા વાળ,દુપટ્ટો એક તરફ ઓઢેલો હતો.ચાલીસી વટાવ્યા પછી પણ સુંદરતામાં લેશમાત્ર ફરક નથી પડ્યો.તેને જોવાવાળું હજીપણ તેની સામે પલક ઝપકાવ્યા વગર જોયા કરે.તે કિનારા હતી.તેનો સુંદર ચહેરો ગંભીર હતો.

તે મંદિરમાં આવી અને ટ્રે મુકી,જેમા કાચના એક બાઉલમાં સોજીનો હલવો અને બીજા નાના બાઉલમાં પંચામૃત હતું.

" તો મારે છેને બ્રેકફાસ્ટ પણ સાથે બનાવવાનો હોયને એટલે વાર લાગે અને આ પુજાનો હલવો છે તો ખાસ ધ્યાન રાખીને બનાવવો પડે."ગંભીર અવાજે કિનારા બોલી.જાનકીદેવી અને શીનાએ મોઢું મચકોડ્યું.

તેટલાંમાં શ્રીરામ શેખાવત તેમના બે દિકરા લવ મલ્હોત્રા અને કુશ સાથે આવ્યાં.

"બધા આવી ગયા હોય તો પુજા શરૂ કરીએ?"જાનકીદેવી બોલ્યા.

બધાં બે હાથ જોડી અને આંખો બંધ કરીને પુજામાં જોડાઇ ગયા.જાનકીદેવી એક પછી એક શ્લોક અને મંત્રો બોલીને પુજા શરૂ કરી.લગભગ અડધો કલાક ચાલેલી પુજા પછી આરતી કરવાનો વારો આવ્યો.

"આજની આ આરતી પણ લવ અને શીવાની જ કરશે."જાનકીદેવીએ પોતાનો નિર્ણય જણાવ્યો.કિનારા કે કુશના ચહેરા પર કોઇ જ ભાવ નહતા.

શીવાની અને લવે આરતી ઉતારી.પુજા પતી ગઇ જાનકીદેવી એ બધાને આરતી અને પ્રસાદ આપ્યો.બધા બાળકોએ એક પછી એક તેમનો આશિર્વાદ લીધો.

"કિનારા,કાયના અને કિઆન ક્યારે અાવવાના છે?"ગંભીર અવાજે જાનકીદેવીએ પુછ્યું.

"મમ્મી, તે લોકો ત્યાંથી નિકળી ગયા છે.આજે બપોર સુધીમાં આવી જશે."કિનારા બોલી.

"હા તે લોકો હોય છે તો ઘર ઘર જેવું લાગે છે નહીંતર તો અહીં શ્વાસ લેવો પણ અધરો પડે છે."જાનકીદેવી કિનારા તરફ જોઇને બોલ્યા.

"બ્રેકફાસ્ટ રેડી છે.કાકાને ટેબલ પર બ્રેકફાસ્ટ લગાવવા કહી દીધું છે. હું તૈયાર થઇને આવું મારે નવ વાગે ડ્યુટી પર હાજર થવાનું છે."આટલું કહીને કિનારા તેના બેડરૂમમાં જતી રહી.

"હું પણ જઉં મારે પણ નવ વાગ્યે હાજર થવાનું છે."આટલું કહી કુશ પણ તેના બેડરૂમમાં જતો રહ્યો.

"તારે લવ?"શ્રીરામ શેખાવતે પુછ્યું.

"પપ્પા હું કાલે રાત્રે જ બહારથી આવ્યો છું તો આજે મે ઓફ લીધો છે.હું આવું "આટલું કહીને લવ ઉપર ગયો.શીવાની તેની પાછળ ભાગી.લવને કિનારાના બેડરૂમમાં જતાં જોઇ તે અટકી ગઇ અને તેની આંખમાં આંસુ હતા.

અહીં કિનારા ડ્યુટી પર જવા યુનિફોર્મ પહેરીને તૈયાર થયેલી કિનારા એટલી જ ફીટ હતી.અરીસામાં જોઇને વાળ સેટ કરી રહેલી કિનારાના બેડરૂમનું બારણું ખુલ્યું અને લવ અંદર આવ્યો અને કિનારાને પાછળથી હગ કર્યું.

"હાય કિનુ,કેમ છે તું?"કિનારા તેની તરફ ફરી અને તેને ગળે લાગી.

"હું ઠીક છું,તું કહે તારો કેસ સોલ્વ થયો?બહુ દિવસ લાગી ગયા.મને જ મળવા આવ્યો સીધો.તારી પત્નીને મળવા ના ગયો? પાછું એક બહાનું મળશે તેને મારી સાથે ઝગડવાનું."કિનારા પોતાની કેપ પહેરતા બોલી.

"ઓહ કિનારા,શીવાનીનું તો કામ જ હવે શંકા કરવાનું થઇ ગયું છે.આપણા બન્નેની ખાસ દોસ્તી તે નહીં સમજી શકે.આપણા પવિત્ર સંબંધને તેના ગંદા વિચારો ક્યારેય નહીં જાણી શકે.સારું છે કુશને આવા બધાં વિચારો નથી આવતા."લવ બેસતા બોલ્યો.

"હા,તેને તો હવે મારા હોવા ના હોવાથી જ કઇં ફરક નથી પડતો.એક જ ઘરમાં પતિ પત્ની તરીકે અમે માત્ર કાયના અને કિઆન માટે રહીએ છીએ."કિનારા નીસાસો નાખતા બોલી.

"હમ્મ,કાયના તે ક્યાં છે? તેના વગર આ ઘર ઘર નથી લાગતું."લવે પોતાની લાડલી ભત્રીજી વિશે પુછ્યું.

"બસ ગમે તે સમયે તે બન્ને આવતા જ હશે.અરે તેમના કોલેજ જવાનો સમય થઇ જશે જલ્દી આવે તો સારું.નહીંતર આજે કોલેજ મીસ થશે."કિનારા બોલી.

"ઓહ કિનારા,ચીલ બાળકો પર આટલી કડકાઇ પણ સારી નહીં.એક દિવસ કોલેજ નહીં જાય તો કઇ ફરક નહીં પડે.થાકી ગયા હશે કેમ્પીંગ માટે ગયા હતા તો."લવ બોલ્યો.

"હા મારી કડકાઇના પરિણામે કાયના તો મારાથી દુર થઇ ગઇ છે.કિઆન તે ક્યાંસુધી મારી નજીક રહે છે તે ખબર નથી.આ ઘરમાં તું અને કિઆન જ છો જેમનો પ્રેમ મને આ ઘરમાં રહેવાની હિંમત આપે છે."આટલું કહીને કિનારાની આંખમાં આંસુ આવી ગયાં.લવે તેને ગળે લગાવીને તેના કપાળે ચુંબન કર્યું.દુર અધખુલ્લા દરવાજામાંથી આ દ્રશ્ય જોઇ રહેલા કુશના ચહેરા પર કોઇ હાવભાવ નહતા પણ અંદર જાણે ભુકંપ આવી ગયો હતો.

તેટલાંમાં બ્રેકફાસ્ટ ટેબલ પર સર્વ થઇ ગયો હતો અને બ્રેકફાસ્ટનો સમય પણ ,બધા ફટાફટ નીચે ભાગ્યા.કિનારા ચાને કિટલીમાં કાઢીને ટ્રેમાં મુકી રહી હતી.તેટલાંમાં શીવાની અંદર આવી કઇંક લેવા.
"તને કેટલી વાર કહ્યું છે શીવાની કે હું રસોડામાં કામ કરી રહી હોઉ ત્યારે તારે રસોડામાં નહીં આવવાનું.તારો ચહેરો જોઇને મને ઇરીટેશન થાય છે."કિનારા ગુસ્સામાં બોલી.

"હા તો મને શોખ નથી કે હું તારું મોઢું જોવા રસોડામાં આવું.મારે પપ્પાજીની દવા લેવાની હતી એટલે આવી છું.તારે લવની સાથે જ અફેયર કરવું હતું તો કેમ મારા લગ્ન તેની સાથે કરાવ્યા?આ બધું મારાથી સહન નથી થતું."શીવાની ના ઇચ્છવા છતા પણ પોતાની અંદર દબાયેલો ગુસ્સો કિનારા પર ઠાલવી બેસી.એક સમયની નાનપણની બે સહેલીઓ અાજે એકબીજાનો ચહેરો પણ જોવો પસંદ નથી કરતી.

"શંકા અને વહેમનો કોઇ ઇલાજ નથી શીવાની."કિનારા બોલી.શીવાની બહાર જતી રહી પણ કિનારાની આંખોમાં આંસુ છોડતી ગઇ.બ્રેકફાસ્ટ ટેબલ પર બ્રેકફાસ્ટ કરતી વખતે નિરવ શાંતિ છવાયેલી હતી.બધાં પોતપોતાના મોબાઇલમાં વ્યસ્ત હતા. આ રોજનો ક્રમ હતો.બ્રેકફાસ્ટ બધાં ભલે હંમેશાં એકસાથે કરે પણ બ્રેકફાસ્ટ ટેબલ પર થતી વાતો,મસ્તી હંમેશાં ગાયબ રહેતી.હા કાયના કે કિઆનની હાજરી હોય તો વાત કદાચ અલગ હોય.

તેટલાંમાં જ બહાર ગેટ ખુલવાનો અવાજ આવ્યો.

"કાયના અને કિઆન આવી ગયા."જાનકીદેવી ખુશખુશાલ ચહેરે બોલ્યા.

મળો કાયનાને આ વાર્તાની નાયિકાને આવતા ભાગમાં શું કારણ છે જેણે કિનારાને બધાથી અલગ કરી દીધી છે? શું છે કુશ અને કિનારાના આ બદલાયેલા સંબંધનું કારણ?

જાણવા વાંચતા રહો.

વાર્તા પસંદ આવે તો પ્રતિભાવ આપતા રહો.

Rate & Review

Kinnari

Kinnari 2 month ago

Nimish Thakar

Nimish Thakar Matrubharti Verified 2 month ago

Tejal Patel

Tejal Patel 3 month ago

Vishwa

Vishwa 3 month ago

JAGDISH.D. JABUANI