દુનિયા ને સાથે લઈને ફરતો માણસ
પોતાના માટે જીવવાનું ભૂલી ગયો,
ચહેરા પર ખોટી ખુશી રાખી ફરતો માણસ
સાચી ખુશી નો મતલબ ભૂલી ગયો,
બીજા ને સમજવા મથતો માણસ
પોતાની જાતને સમજતાં ભૂલી ગયો,
બહાર સારા દેખાવાનો ડોળ કરતો માણસ
એકલતામાં રડતાં શીખી ગયો,
દુનિયા સામે સુખી હોવાનો દાવો કરતો માણસ
અંદર હજારો તકલીફ સાથે જીવતા શીખી ગયો,
સાચાં ખોટા વચ્ચે ભેદરેખા ખેંચતો માણસ
દુનિયા સામે પોતાને સાબિત કરવા એ જ ભેદરેખા ઓળંગી ગયો..