તમે કેટલું બોલો છો ?...અરે આ શબ્દો વાંચીને આશ્ચર્ય થયું ને ? આપણે કેટલું બોલીએ છીએ તેની આપણને ક્યાં ખબર જ હોય છે. બોલવાની શરૂઆત થાય પછી ખુબ ઓછા લોકો બોલવાનું બંધ કરી શકતા હોય છે. ઘણાને તો બોલવાનું બંધ કરવું જ નથી હોતું. એ તો એવું જ સમજે કે હું બોલુંને બધા સાંભળે. માનવપ્રકૃતિ જ એવી છે કે આપણને સાંભળવું ગમતું નથી પણ બોલવું જ ગમે છે. આપણે હમેશા એવું જ માનીએ છીએ કે આપણી પાસે એટલું જ્ઞાન છે જેટલું કોઈ પાસે નથી અને આપણે તે બીજાને આપવા માટે તત્પર હોઈએ છીએ.