🌳कैरीचे लोणचे आणि गुळांबा

🌳आभाळ फिरू लागलीत तसा
बाजारातून कैरी आता काढता पाय घेऊ लागली आहे
एकदा का पाऊस सुरू झाला की ती पण दिसायची बंद होईल
थोडया कैऱ्यांचे लोणचे घातले

🌳कैरी स्वच्छ धुवून पुसून त्याच्या फोडी करून घेतल्या
तिखट
मीठ हळद
लोणच्याचा बेडेकर मसाला
थोडी मोहरी डाळ
सर्व नेहेमीच्या अंदाजे.

🌳बरणीत खाली थोडी हळद आणि मीठ घालुन हे सर्व मिश्रण त्यात भरुन त्यावर
मोहरी हिंग तिखटाची फोडणी करून
गार करून घातली

🌳दोन दिवसात छान खार सुटून लोणचे खायला तयार...

🥭कैरीचा गुळांबा


हा गुळांबा करण्यासाठी साल काढून
कैरीच्या पातळ पातळ काचऱ्या काढल्या

🥭 या काचऱ्या प्रथम थोडया तुपावर वाफवून घेतल्या
एक मोठी वाटी भरुन काचऱ्या होत्या
त्यानंरच्या त्यावर दोन ते अडीच वाट्या काकवी घातली
माझ्याकडे काकवी नेहेमी असतेच
सध्या दोन वर्षे जुनी काकवी माझ्याकडे होती
जी अत्यंत औषधी असते
कावीळ या रोगात अगदी रामबाण
काकवी जशी जशी जुनी होईल तसतसे त्यातील साखरेचे बाटलीच्या तळाशी स्फटिक तयार होतात
माझ्याकडील बाटलीतील झालेल्या स्फटिकाचा फोटो बघू शकता

काकवी ऐवजी गुळ वापरता येतो

🥭 हे मिश्रण उकळू लागल्यावर त्यात थोडे केशर व थोड्या लवंगा घातल्या
केशराने स्वाद चांगला येतो

🥭हे मिश्रण जरासे शिजून आळले
त्यानंतर त्यात वेलदोडे पावडर आणि लवंगा घातल्या

मस्त गुळांबा झाला😋