​માત્ર ચાર દિવાલોનો સમન્વય એટલે ઘર નથી,
ઈંટો વચ્ચે વહેતો અવિરત પ્રેમ એટલે ઘર.
​જ્યાં ઉંબરો ઓળંગતા જ બધો થાક ઓગળી જાય,
ને મમ્મીના હાથની રસોઈમાં આખું જગત ભુલાઈ જાય.
​મોટા મકાનોમાં ભલે કાચના આયના લાગેલા હોય,
પણ જ્યાં દાદાની વાતોમાં સંસ્કાર દેખાય, એ ઘર.
​પપ્પાની એ શિસ્તમાં છુપાયેલી વહાલની હેલી,
ને ભાઈ-બહેનના ઝઘડામાં વસેલી દુનિયા આખેઆખી.
​ગમે તેટલા આલીશાન હોટલના ગાદલા કેમ ન હોય,
પણ જે ખૂણે નિરાંતની ઊંઘ આવે, સાચું સુખ એટલે ઘર.