🥒हळदीच्या पानावरील 🥒
काकडीच्या रसातील पातोळे

🥒साहित्य
एक मध्यम काकडी किसून
एक वाटी तांदूळ पीठी
हळद ,मीठ, जिरे ,बारीक चिरलेली मिरची
हळदीची पाने तीन चार

🥒कृती
प्रथम हळदीची पाने स्वच्छ धुवून पुसून घ्यावी
काकडी किसून त्यात मीठ, हळद, जिरे घालून मिसळून घ्यावे
दहा मिनिटात या मिश्रणाला पाणी सुटेल
त्यात जितकी लागेल तितकी तांदुळ पिठी घालवी
🥒मिश्रण सरबरीत होण्यासाठी आवश्यक असल्यास थोडे पाणी वापरावे
मिश्रण फार घट्ट अथवा फार पातळ नको
हळदीच्या पानाच्या अर्ध्या भागावर हे मिश्रण लावून उरलेला अर्धा भाग त्यावर हलकेच दुमडावा
खुप दाबू नये पान फाटण्याची शक्यता असते
🥒तवा तापवून त्यावर थोडे तेल लावावे व ही पाने तव्यावर भाजणे साठी ठेवावीत
पानाची एक बाजू भाजून काळसर झाल्यावर
दुसऱ्या बाजूने तसेच भाजून घ्यावे
🥒गरम गरम पातोळे तूप आणि लोणचे यासोबत खायला घ्यावे
पानाची छान नक्षी यावर तयार होते
हळदीच्या पानांचा खमंग वास घरभर सुटलेला असतो
हे पातोळे अतिशय चविष्ट व खमंग लागतात 😋