🥒काकडीचा कायरस

🫒साहित्य
एक काकडी बारीक कोचून (चिरायची नाही)
दोन तीन कैरीच्या फोडी
अर्धी वाटी दाण्याचे कुट
चार लाल मिरच्या
एक कढीलिंब डहाळी
बारीक चिरलेली कोथिंबीर
पाव वाटी खोवलेला नारळ
फोडणी साठी तूप, जीरे ,हिंग, मेथी दाणे
एक चमचा काळा मसाला
गुळ आवडीप्रमाणे
एक चमचा हळद
मीठ चवीनुसार

🫒कृती
प्रथम तुपाची फोडणी करून जिरे हींग व थोड्या मेथ्या घालून
लाल मिरच्या तुकडे व कढीलिंब परतून घ्यावा
त्यावर कैरी तुकडे व कोचलेली काकडी घालून झाकण ठेवावे
पाच सात मिनीटात काकडी व कैरी मऊ होईल
त्यात दोन ते तीन वाटया पाणी टाकून मिश्रणाला उकळी आणावी
🫒उकळी येताच दाण्याचे कुट, खोबरे, हळद, काळा मसाला व मीठ घालून
कैरीच्या आंबट पणा नुसार गुळ घालावा
परत पाच मिनीटे उकळावे
कायरस तयार होईल
वर चिरलेली कोथिंबीर घालावी
🫒आंबट गोड चवीचा हा कायरस भाता सोबत खुप छान लागतो😋
🫒यातील शिजलेल्या कैरीच्या फोडी फार चविष्ट लागतात 😋

🫒कैरी नसेल तेव्हा आंबट पणासाठी चिंचेचा कोळ घालता येतो 🙂