હજું એ ઘરનો ઓટલો યાદ આવે,
દાદની મીઠી મીઠી વાતો યાદ આવે,
ઓરડીમાં બેઠા સાંભળેલા ભજનો યાદ આવે,
શાળામા ભણાવતાં શિક્ષકોની યાદ આવે,
કેડીએ ચાલી ખેતરે જવાની યાદ આવે,
ખેતર ખેડતા ધરાની મીઠી સુગંધ યાદ આવે,
બાવળોના ગળ્યા પવડા ખાવાની યાદ આવે,
હાલતાં બળદોના ઘુઘરાનું સંગીત યાદ આવે,
ડેલા પાછળ સંતાકૂકડીની રમત યાદ આવે,
બોરડીના બોર વાગતા કાંટાની યાદ આવે,
ભર બપોરે લીમડા નીચે સુવાની યાદ આવે,
સીમ પાદરે રખડતા હું ને મારી જુની યાદો યાદ આવે.

મનોજ નાવડીયા