💛#संक्रांत_विशेष
💛#तिळाची_वडी
💛तिळगुळ घ्या गोड बोला

💛साहित्य -
तीळ -एक वाटी
गूळ एक वाटी (चिरलेला)
दाण्याचे बारीक कूट एक वाटी
तूप -दोन चमचे

💛कृती

तीळ मध्यम आचेवर खरपूस भाजून घ्यावेत. .
सतत हलवत राहावेत नाहीतर पटकन लाल होण्याची शक्यता असते.

💛भाजलेले तीळ गार झाल्यावर मिक्सरमधून एकदाच फिरवावेत.
थोडे भरभरीत कुट व्हायला हवे

💛कढईत तूप घालून गॅस मध्यम आचेवर ठेवावा.
त्यामध्ये बारीक चिरलेला गूळ घालून त्याचा पाक होईपर्यंत हलवत राहावे.
पाक फार कडक नसावा

💛गुळाचा पाक झाला की त्यात बारीक केलेलो तीळ पावडर आणि दाण्याचे बारीक कूट घालावे मिश्रण एकसारखे हलवावे व एकत्र करून गॅस बंद करावा.

💛एका ताटलीला तूप लावून घ्यावे आणि हे गरम मिश्रण ताटलीत घालून वाटीच्या मागच्या बाजूने अथवा लाटण्याला तूप लावून ताटात एकसारखे पसरावे.

💛थोडे कोमट असतानाच सुरीने आपल्या आवडीच्या आकारात वड्या कापून ठेवाव्यात.
गार झाल्यावर वड्या सोडवुन घ्याव्या
या वड्या थोड्या नरम असतात