🫒(पावटा)वरणा वांगी रस भाजी
पावटा याला कोल्हापुर भागात वरणा म्हणतात

🫒एक चविष्ट कॉम्बो ...
य दिवसात वरण्याच्या शेंगा अतीशय चांगल्या मिळतात
शिवाय जांभळी वांगी पण मुबलक आणि अतीशय चवदार असतात

🫒ही अतीशय सहज सोपी पट्कन होणारी
कोणतेही वाटण अथवा जास्ती मसाले न वापरलेली भाजी फार स्वादिष्ट होते
फार मसाले किंवा वाटण न घातल्याने दोन्हीं भाज्यांची मूळ चव अबाधित राहते
भाकरी सोबत हीची चव खुलून येते 😋

🫒साहित्य
सोललेला वरणा दाणे वाटीभर
दोन तीन मध्यम आकाराची वांगी
फोडणीचे साहित्य
हळद
तिखट
काळा मसाला
गुळ
आमसूल एक
मीठ चवीनुसार
कोथिंबीर

🫒कृती
वांग्याचे देठ काढून उभ्या उभ्या फोडी कराव्या
कुकर मधे तेल घालून
मोहरी हिंग फोडणी करून
प्रथम वरण्याचे दाणे घालून परतावे
नंतर वांग्याच्या फोडी घालुन दोन मिनिटे परतावे
आवश्यक तेवढे पाणी घालून
(वांगी बुडतील इतकेच)
तिखट ,हळद ,काळा मसला, गुळ , आमसूल
व चवीनुसार मीठ घालुन
झाकण लावुन टाकावे
कुकर मंद आचेवर असावा
शिटी होईल असे वाटताच गॅस बंद करावा
आतील वाफेने भाजी नीट शिजते
(शिटी न केल्याने वरण्याचे दाणे व्यवस्थित मऊ शिजतात व वांगी पण आवश्यक तितकी शिजतात)
पाच मिनिटांनी झाकण काढून थोडी कोथींबीर घालावी
व खायला घ्यावी