🟢हिरव्या मुगाचे लाडू

🟢 साहित्य
एक वाटी हिरवे मुग
पाव वाटी पिठी साखर
(शक्यतो ताजीच मिक्सरला दळून घ्यावी
अशा ताज्या पिठी साखरेचे लाडू खमंग लागतात. )
पाव वाटी तूप
(आवडी नुसार सुकामेवा )

🟢कृती
हिरवे मुग निवडून  स्वच्छ  धुवून घ्यावे
पातळ फडक्यावर तास भर सुकत ठेवावे
मूग सुकले की कढईत मंद आचेवर खमंग भाजून घ्यावे

🟢मूग भाजायला साधारणत: अर्धा तास लागतो
मूग चांगले भाजले गेल्यावर गॅस बंद करावा आणि हे मूग पूर्णपणे गार करून घ्यावे

🟢 गार झाल्यावर मिक्सरमधून या मुगाचे शक्य तितके बारीक  पीठ करून घ्यावे

🟢कढईत तूप घालावे
तूप गरम झाले की मुगाचे पीठ घालावे
मध्यम आचेवर पीठ भाजत रहावे
भाजताना ते सतत हलवत राहावे
नाहीतर पीठ कढईत करपायची शक्यता असते.

🟢पीठ भाजले की खमंग वास येतो व पीठ कढईच्या कडा सोडू लागते
यानंतर गॅस बंद करावा.

🟢पीठ थोडे कोमट होवू द्यावे
कोमट झाले की पीठात  बारीक केलेली साखर घालावी.
 भाजलेल्या पिठात पिठी साखर चांगली मिसळून घ्यावी.
साखरेच्या गुठळ्या राहाता कामा नये.  
(याच वेळीं आवडत असल्यास सुकामेवा बारीक तुकडे करुन मिसळून घ्यावा   )

🟢मिश्रणाचे लाडू वळावेत. 
हे लाडू खमंग आणि चवदार होतात
🟢रंग आकर्षक हलका हिरवा येतो 🟢