બીજ તો રોપી દીધા હતા પ્રેમ ના, પણ પાણી આપીને
એ છોડ ને વિકસિત કરવાની મારી ઈચ્છા મરી ગઈ છે એનું શું કરવું?

પ્રેમરૂપી પાપ ના ઘડા ભરીને બેઠા છીએ તેમ છતાં,
એ પાપો નો પ્રાયશ્ચિત કરવાની મારી ઈચ્છા મરી ગઈ છે એનું શું કરવું?

ક્યારેક તો મળીશું આપણે જરૂર, મુલાકાત તું નક્કી કરજે,
એ સમય ને નિશ્ચિત કરવાની મારી ઈચ્છા મરી ગઈ છે એનું શું કરવું?

કવિતા, શાયરી, વાર્તા, વગેરે તો ઘણી લખેલી પડી છે...
એ લેખન ને પ્રકાશિત કરવાની મારી ઈચ્છા મરી ગઈ છે એનું શું કરવું?